| Жүрегіңіз ауырмасын: жүрек ауруларының алдын алу жолдары Е. Рақышев В данный момент этот товар отсутствует в продаже. Возможно, у нас найдется аналогичный или похожий товар здесь. Бұл кітаптың авторы Еркін Рақышев — халық арасында «Жаралы сезім», «Жетімдер», «Астанаға көктем кеш келеді», «Айша», «Әйгерім» секілді фильмдері арқылы танылған режиссер. Ол осыдан біраз жыл бұрын жүрегі ауырып, бес рет ауруханаға жатып шыққан. Бесінші рет ауруханадан шыққанда, дәрігерлердің емінен пайда болмай жатқанын түсініп, жүрек ауруларын өз бетінше зерттей бастайды.
Ізденістердің нәтижесінде Еркін мырза әлемдегі ең ұзақ жасайтын жапон халқының жүрек ауруларының алдын алу жүйесімен танысады. Аурудың алдын алуды үйреніп, денсаулығын қалпына келтіреді. Көп жағдайда өлімге алып келетін жүрек ауруларының емделуі қиын болғанымен, ол аурулардың алдын алу оңай екен. Бірақ біздің елімізде аурудың алдын алу деген атымен жоқ. Бүгінде Қазақстан жүрек ауруынан қайтыс болатындар жөнінен әлемде алдыңғы орындардың бірін алады. Елімізде жүрек ауруынан жылына 40 мыңнан астам (күніне 100-ден аса) адам қайтыс болады екен.
Осындай жантүршігерлік мәліметті білген Еркін мырза жылдар бойы жинаған тәжірибесімен, жапондардан алған білімімен халықпен бөлісу мақсатында осы кітапты жазып шығарды. Сонымен қатар, кітапта еліміздегі емдеу жүйесінің олқылықтары мен оларды шешу жолдары да көрсетілген.
Кітап көптеген білікті дәрігерлермен, мамандармен ақылдасып отырып жазылған. Атап айтқанда, бұрынғы денсаулық сақтау министрі, қазіргі Қазақ Тағамтану академиясының президенті Төрегелді Шарманов ағамыз кітапты қолдап, алғы сөз жазып берді. Кітап өз денсаулығын күтіп, ұзақ өмір сүргісі келетін барлық адамға арналған. |
%text%